दलाललाई लाखौं तिरेर मेक्सिको हुँदै अमेरिका जादा २ हजार नेपाली पक्राउ,

दलाललाई लाखौं रुपैया बुझाएर मेक्सिको हुँदै अमेरिका आउने नेपाली अहिलेसम्म झण्डै २ हजार रहेको एउटा तथ्यांकले देखाएको छ । यो अमेरिकाको सिमाक्षेत्रमा आएर कस्टम एण्ड बोर्डर प्रोटेक्सनले पक्राउ गरेका नेपालीहरुको संख्या हो भने यसमा अमेरिकाको सिमाक्षेत्रबाट पक्राउ नपरिकनै अमेरिका प्रवेश गर्नेहरुको विवरण समावेश छैन ।

जसमध्ये सन् २०१५ मा ४०६ जना सन् २०१६ मा ५५० जना, सन् २०१७ मा ४९५ जना, सन् २०१८ को अप्रिलसम्म २८८ जना रहेका छन् ।सन् २०१८ को अप्रिलसम्म सीबीपीले पक्राउ गरेका कुल नेपालीहरुको संख्या भने १७४४ रहेको छ । जसमध्ये सिमा सुरक्षा गस्तीले १६९६ जना, अन्य एजेन्सीले पक्राउ गरेर सीबीपीलाई बुझाएका ३५ जना, ट्राफिक चेकका क्रममा पक्राउ परेका ८ जना, अन्य तरिकाले पक्राउ परेकाहरु ५ जना रहेका छन् ।

पक्राउ परेका ३६ जना नेपाली बच्चामध्ये सन् २०१५ मा ५, सन् २०१६ मा ३, सन् २०१७ मा १५ र सन् २०१८ मा १४ जना पक्राउ परेका थिए । उनीहरुमध्ये १६ बर्षका ६ जना र १७ बर्षका ३० जना रहेका छन् । पक्राउ परेका ३६ जनामध्ये सान डिएगो सेक्टरबाट ३० जना, रियो ग्रान्देबाट ४ जना र टक्सनबाट २ जना रहेका छन् ।

जसमध्ये सबैभन्दा धेरै २९ बर्षका रहेका छन् । मेक्सिको हुँदै गैरकानुनी रुपमा अमेरिका प्रवेश गर्ने पुरुषहरु सबैभन्दा धेरै २१ बर्षदेखि २४ बर्षसम्मका रहेका छन् । किनभने सन् २०१८ को अप्रिलसम्म पक्राउ पर्नेहरुमा २१ बर्षका १०६ जना, २२ बर्षका १०३ जना, २३ बर्षका ९५ जना र २४ बर्षका १०२ जना पुरुष थिए ।दलाललाई मोटो रकम बुझाएर अमेरिका आउने नेपालीहरुमध्ये सबैभन्दा देखि १८ बर्षदेखि २४ बर्षसम्मको उमेर समुहका छन् । यो अवधिमा २ जना ५० कटेका नेपालीहरु समेत मेक्सिकोबाट अमेरिका प्रवेश गर्ने क्रममा पक्राउ परेका थिए ।

सम्बन्धित खवर

प्रतिकृया

Your email address will not be published.