विश्वमा सबैभन्दा छिटो विकास गर्ने मुलुकको सूचीमा नेपाल रहेको अर्थमन्त्री खतिवडाको भनाई

भद्रपुर। अर्थमन्त्री युवराज खतिवडाले नेपाल अहिले सबैभन्दा छिटो विकास भइरहेका विश्वका दश मुलुकको सूचीमा पर्ने जनाउँदै आर्थिक समृद्धिका लागि यो सकारात्मक सूचक भएको बताउनुभएको छ । मेची बहुमुखी क्याम्पसको प्रशासनिक भवनको आज उद्घाटन कार्यक्रममा बोल्दै अर्थमन्त्री खतिवडाले दक्षिण एशियामा नेपाल र बङ्गलादेशको आर्थिक वृद्धि दर अरूको भन्दा माथि भएको बताउनुभयो ।

वर्तमान सरकारले मुलुकको आर्थिक क्षेत्रमा लिएका नीतिको सकारात्मक नतिजा विस्तारै देखिने उल्लेख गर्दै उहाँले अघिल्लो सरकारले शुरु गरेका अधुरा विकासका आयोजनालाई समेत पूर्णता दिन बजेट छुट्याइएको जानकारी दिनुभयो । अन्तर्राष्ट्रियस्तरमा बिक्ने र प्रतिस्पर्धा गर्नसक्ने शिक्षाको विकास गर्न सरकारले प्राविधिक, वैज्ञानिक र व्यावसायिक शिक्षामा लगानी गर्ने नीति लिएको बताउँदै अर्थमन्त्री खतिवडाले मेची बहुमुखी क्याम्पसको बन्न लागेका भौतिक संरचना निर्माणमा आर्थिक अभाव हुन नदिने प्रतिबद्धता व्यक्त गर्नुभएको थियो ।

अर्थमन्त्री खतिवडा र पूर्वउपप्रधानमन्त्री कृष्णप्रसाद सिटौलाले आज भद्रपुर–८ मा रहेको क्याम्पस परिसरमा नवनिर्मित प्रशासनिक भवनको उद्घाटन र बन्न लागेको महिला छात्रावासको शिलान्यास गर्नुभएको छ । त्रिभुवन विश्वविद्यालय अनुदान आयोग र नेपाल सरकारको सहयोगमा क्याम्पसका सबै संरचना निर्माण हुने भएका छन् ।

अघिल्लो सरकारले चन्द्रगढीमा निर्माण थालेको स्व गिरिजाप्रसाद स्मृति भवनमा वर्तमान सरकारले एउटा पनि इँटा नथप्नुको कारणबारे अर्थमन्त्री खतिवडालाई प्रश्न गर्नुभएको थियो । त्रिभुवन विश्वविद्यालयका रजिस्टार डिल्लीराम उप्रेतीले आजै मेची बहुमुखी क्याम्पसको मानविकी भवनको शिलान्यास गर्नुहुँदै आगामी वर्षदेखि क्याम्पसमा सूचना प्रविधि विषयको स्नातक बीआईटी कक्षा सञ्चालन गर्न आग्रह गर्नुभएको थियो ।

सम्बन्धित खवर

प्रतिकृया

Your email address will not be published.