अनलाइन सपिङ गर्दा आइफोनको पैसा तिरेर घर आइपुग्यो साबुन

पछिल्लो समय अनलाइन सपिङले राम्रो बजार पाएको छ । व्यस्त जीवनशैलीका कारण मानिसले अनलाईन अर्डर गरेर सामान मगाउने गरेका छन् । त्यतिमात्र होइन बजारमा हुने भीडभाडबाट बच्नका लागि पनि यो उपाय राम्रो देखिएको छ । तपाईले पनि बेलाबेलामा अनलाइन सपिङ गर्ने गर्नु भएको होला विचार गर्नुस् ५५ हजार तिरेर आइफोन अर्डर गर्दा घरमा साबुन आइपुगेको यो घटना जस्तै हुन पुग्ला घरमै बसेर अर्डर गर्दा सामान आउने भएपछि गमी, धुवाँ धुलो सहेर बजार जान पनि परेन । तर कहिलेकाही यस्तो अर्डरले समस्या पनि निम्त्याउने गरेको छ ।

एक जना व्यक्तिले घरमै बसेर अनलाइनमार्फत आइफोन अर्डर गरेका थिए । तर उनको घरमा आइफोनको सट्टा लुगाधुने साबुन आइपुग्यो । तर उनले उक्त साबुनको पैसा भने आइफोनकै मूल्यबराबर तिरे ।सुन्दा तपाई अचम्ममा पर्नुभयो होला तर यो समाचार नेपालको भने होइन । यो घटना छिमेकी मुलुक भारतको हो जहाँ एक जना व्यक्तिले अनलाइन सपिङ मार्फत आइफोन मगाएका थिए । घरमा सामान पनि आयो र उनले पैसा पनि तिरे । ५५ हजार रुपैयाँ अनलाईनमार्फत तिरेका उनको आइफोन एकाएक साबुनमा परिणत भयो ।भारतका २६ वर्षीय एक सफ्टवेयर इन्जिनियरले अनलाइन शपिङ साइट फ्लिपकार्ट मार्फत् आइफोन९८ अर्डर गरेका थिए । त्यसको लागि पैसा पनि अनलाइनमार्फत् नै भुक्तानी गरे । तर, घरमा आइदियो आइफोनको सट्टा लुगा धुने साबुन ।

आइफोन खरिद गर्ने तबरेज मेहबुब नाग्रलीका अनुसार उनले आईफोन ८ को लागि ५५ हजार रुपैयाँ अनलाइनमार्फत् नै भुक्तानी गरेका थिए । तर घरमा भने लुगा धुने साबुन डेलिभरी भएको दाबी उनको थियो । यो केही समय अघि अर्थात जनवरीको घटना हो ।उनले आफूलाई ठगेको भन्दै फ्लिपकार्टविरुद्ध मुम्बईको बिकुला प्रहरीमा उजुरी दिएका थिए ।

सम्बन्धित खवर

प्रतिकृया

Your email address will not be published.