गाउँपालिकाको विपन्न र मजदुरलाई राहत

बागलुङ ,कोरोना भाइरसको जोखिम पछि देशमा जारी लकडाउनका कारण समस्या परेकालाई गण्डकी प्रदेश सरकारदेखि स्थानीय सरकारले दैनिक राहत बाँडिरहेका छन् । तर, जिल्लाको ताराखोला गाउँपालिकाले बजारका खाद्य डिपोहरुबाट सामान आयात नगरी स्थानीय उत्पादन नै जोहो गरेर लकडाउनका कारण रोजीरोटी गुमाएका गरिब, विपन्न, श्रमिक मजदुरलाई बाँडेको छ ।

गाउँपालिकाले स्थानीय स्तरमा उत्पादित अर्गानिकु कोदो, मकै, फापरलगायतका दैनिक उपभोग्य सामग्री वडा नं १ अमरभूमिबाट वितरण थालेको छ । अमरभूमिका ३३ परिवारलाई प्रति परिवार संख्या हेरेर मकै\कोदो १०\१५ पाथी , दाल २ किलो, चिनी २ किलो, तेल १ लिटर र नुहाउने तथा हात धुने सावून वितरण गरिएको गाउँपालिकाका योजना अधिृकत जित सुनारले जानकारी दिए । उनका अनुसार ४ जनाको परिवार छ भने १० पाथी र त्यो भन्दा बढि संख्या भएमा १५ पाथी सम्म मकै कोदो दिइएको छ ।

राहात सामग्री बितरणका लागि गाउँपालिकाका ६ वटा वडामा लगत तथा स्थानीय खाद्य सामग्री संकलन गरेर मजदुर तथा विपन्न परिवारलाई गाउँमै उत्पादित खाद्यान्न उपलव्ध गराउन ६० मुरी मकै र २० मुरी कोदो गाउँपालिकाले संकलन गरिएको छ ।देशमा कोरोना भाइरसका कारण उत्पन्न समस्या र संकटले दैनिक ज्यालादारीमा काम गर्ने श्रमिक मजदुर, गरिब बिपन्नहरुको तथ्यांक संकलन गरि गाउँमै स्थानीयले उत्पादन गरेको सामग्री बितरण गरिएको ताराखोला गाउँपालिकाका अध्यक्ष प्रकाश घर्तिले बताए ।

पहिले गाउँमा धर्म भकारी हुन्थ्यो, यो जरुरी रहेछ भन्ने निष्कर्षमा पुग्यौं, अध्यक्ष घर्तिले भने ‘यसलाई आधुनिक तरिकाले व्यवस्थित गर्ने र अहिले तत्कालका लागि बजारबाट चामल आयात नगरी गाउँकै किसानहरुले उत्पादन गरेको कृषि उपज खरिद गरिदिएर समस्यामा परेकाहरुलाई प्रदान गरेका हौ ।स्थानीय उत्पादन खरिद र बितरण गरिए पछि गाउँका किसान र विपन्न श्रमिक मजदुर परिवार सबै खुशी देखिएका छन् ।

सम्बन्धित खवर

प्रतिकृया

Your email address will not be published.