लुम्बिनी प्रादेशिक अस्पतालका पाँच डाक्टर बर्खास्त

बुटवल,कोरोना संक्रमण रोकथाम र उपचारमा खटिनुपर्ने कठिन परिस्थितिमा ड्युटीमा नआएको भन्दै लुम्बिनी प्रादेशिक अस्पताल बुटवलमा कार्यरत पाँचजना चिकित्सकलाई बर्खास्त गरिएको छ ।अस्पतालको रेडियोलोजी विभागमा कार्यरत डा बरदान वली र डा ताराप्रसाद शर्मा, ईएनटी विभागका डा प्रकाश न्यौपाने, युरोसर्जन डा सुवासचन्द्र चौधरी र आकस्मिक विभागमा कार्यरत डा प्रकृती कार्कीलाई सेवाबाट हटाइएको हो ।

अस्पताल प्रशासनलाई जानकारी नदिई ड्युटीमा हाजिर नभएको भन्दै सामाजिक विकास मन्त्री सुदर्शन बराल ज्यूले तत्काल बर्खास्त गर्न निर्देशन दिएसगै अस्पतालका मेडिकल सुपरिटेन्डेन्ट डा राजेन्द्र खनालले बताउनुभयो हटाइएका चिकित्सकहरु करारमा नियुक्त भएका थिए । सामाजिक विकास मन्त्री बरालले सिंगो मुलुक कोरोना भाइरस संक्रमणको महामारीको संकटमा परेका बेला अग्रमोर्चामा खटिएर विरामीलाई उपचार गर्नुपर्ने दायित्वबाट पन्छिनु गम्भीर गल्ती हुने भन्दै सेवामा नखटिने चिकित्सकहरुलाई कारवाही गर्न निर्देशन दिएको स्वीकार गर्नुभएको थियो ।

सुत्केरी, काजकिरिया, विरामी बाहेकका विदा स्वीकृत नगर्न र विना जानकारी सेवामा अनुपस्थित हुने चिकित्सक तथा कर्मचारीहरुलाई हटाउन निर्देशन दिएको मन्त्री बरालले जानकारी दिनुभयो ।साथै उहाले सबै अस्पतालबाट दैनिक हाजिरी मगाएर हेरिएको रअनुपस्थित हुनेलाई एकपटक स्पष्टीकरण सोधिन्छ र चित्तबुझ्दो जवाफ नआए बर्खास्त गरिने बताउनुभयो ।

सम्बन्धित खवर

प्रतिकृया

Your email address will not be published.