निर्वाचन आयोगमा ‘जनता समाजवादी पार्टी’ दर्ता

‘जनता समाजवादी पार्टी’ निर्वाचन आयोगमा दर्ता भएको छ। बिहीबार बिहान दुवै दलका अध्यक्षसहितका नेताहरु कान्तिपथस्थित आयोगको कार्यालयमा पुगेर पार्टी दर्ता गराएका हुन्।दल दर्ताका लागि राष्ट्रिय जनता पार्टी राजपा र समाजवादी पार्टीका नेता बिहीबार बिहानै निर्वाचन आयोगको कार्यालय पुगेका थिए। बिहान ११ बजेर १६ मिनेटमा निर्वाचन आयोगमा जनता समाजवादी पार्टी, नेपाल १३८८ नम्बरमा दर्ता भएको छ।

दल दर्ताका लागि राष्ट्रिय जनता पार्टीका संयोजक शरत सिंह भण्डारी र समाजवादी पार्टीको तर्फबाट अध्यक्ष उपेन्द्र यादवले हस्ताक्षर गरी निवेदन दिएका थिए। दल दर्तापछि नेता महतोले सरकारले पार्टी फुटाउन ल्याएको अध्यादेशले पार्टी एकता गर्न हौसला मिलेको प्रतिक्रिया दिनुभएको हो। सरकारले पार्टी फुटाउन ल्याएको अध्यादेश पार्टी एकताका लागि महत्वपूर्ण रहेको महतोले जानकारी दिनुभयो। उनले आफ्नो पार्टी लकडाउन अवधि जनताका समस्यामा केन्द्रित हुने बताउनुभयो।

बुधबार राति राजपा र समाजवादीबीच एकता भएको थियो। नयाँ पार्टीको नाम जनता समाजवादी पार्टी, नेपाल राख्ने सहमति भएको थियो। एकतापछि नयाँ पार्टीको झण्डा भने समाजवादी पार्टीको राख्ने सहमति गरिएको छ भने चुनाव चिह्न राजपाले प्रयोग गरेको छाता राख्ने सहमति भएको छ। बुधबार राति भएको सहमतिमा राजपाका तर्फबाट महन्थ, ठाकुर, राजेन्द्र महतो, महेन्द्र राय यादव, शरत सिंह भण्डारी र समाजवादी पार्टीको तर्फबाट डा बाबुराम भट्टराई, उपेन्द्र यादव, अशोक राई, राजेन्द्र श्रेष्ठले हस्ताक्षर गर्नुभएको थियो ।

प्रधानमन्त्री केपी ओलीले सोमबार मात्र मन्त्रिपरिषद् बैठकबाट दल विभाजन खुकुलो हुनेगरी राजनीतिक दल सम्बन्धी अध्यादेश ल्याएपछि राजपा फुट्ने चर्चा चलेको थियो। बाहिरी हल्ला विपरित बुधबार राति राजपा र समाजवादीबीच एकता भएको हो। संघीय संसदमा राजपा र समाजवादीका १७र१७ गरेर। ३४ सांसद रहेका छन्।

सम्बन्धित खवर

प्रतिकृया

Your email address will not be published.