गुल्मिका जनतालाई घर घरमै सामाजिक सुरक्षा भत्ता उपलब्ध

गुल्मी ,जनतालाई सेवा दिने उद्देश्यले गुल्मीको गुल्मीदरबार गाउँपालिका वडा २ वडा कार्यालयले चेक संकलन गर्दै सामाजिक सुरक्षा भत्ता वितरण गर्दै आएको छ । वृद्धवृद्धा, असक्त, अपांगता भएका, एकल महिला लगायतले पाउने सामाजिक सुरक्षा भत्ता घर–घरमा नै पुगेर वितरण गर्न थालिएको हो ।

लकडाउनका कारण समस्यामा परेका वृद्धवृद्धा तथा सामाजिक सुरक्षा भत्ता पाउनेहरूलाई जनप्रतिनिधि र स्थानिय युवा चेक संकलन गरेर सामाजिक सुरक्षा वितरण गरिरहेको वडा अध्यक्ष हरिहर गौतमले जानकारी दिनुभयो । आवश्यक परेका र इच्छिुक व्यक्तिहरूको मात्र चेक संकलन गरेर बैंकमार्फत रकम ल्याएर वितरण गर्न थालिएको हो ।

कोरोना भाइरस कोभिड–१९ को संक्रमणका कारण सरकारले गरेको लक डाउनमा जनतालाई समस्या पर्न सक्ने भन्दै घर–घरमा पुगेर सामाजिक सुरक्षा वितरण गर्न थालिएको गौतमको भनाइ छ । सरकारी सेवा घरमै दिने उद्देश्यले घर–दैलोमै सामाजिक सुरक्षाभत्ता वितरण गर्न थालिएको गौतमले जानकारी दिनुभयो ।

श्रीमतीको मृत्यु पछि काजकृयामा बसेका कृष्ण परियारको घरमा सामाजिक सुरक्षा भत्ता लिएर वडा अध्यक्ष पुग्दा दुखको समयमा भगवान आए जस्तो लगेको उहाले बताउनुभयो । आफ्नै घरमा सामाजिक सुरक्षा भत्ता पाउँदा वडाका वृद्ध–वृद्धाहरूसमेत खुसी हुने गरेका छन् ।

सम्बन्धित खवर

प्रतिकृया

Your email address will not be published.