‘बिजुली प्रयोग गर्न दिएकोमा कोटि कोटि धन्यवाद दिन्छु तर बिल तिर्न सकिन्न’– नगर प्रमुख शाही

नारायण न्यौपाने
पाल्पा, जेठ ३०
तानसेन नगरपालिकाले नेपाल बिद्युत प्राधिकरण पाल्पा बितरण केन्द्रलाइ ०६६ देखि ०७७ जेठ २९ सम्मको ५ करोड १३ लाख ६३ हजार ८ सय ४३ रुपैँया तिर्नुपर्ने छ । नियम अनुसार यसको २५ प्रतिशत अर्थात १ करोड २८ लाख ४० हजार ९ सय ६१ रुपैँया नगरपालिकाले जरिवाना तिर्नुपर्ने हुन्छ । यो सडक बत्ति बापतको शुल्क हो । नगरपालिकाले १ रुपैँया पनि पैसा नतिर्ने बरु नगरपालिकामा पोल गाडेको, सामान राखेको बापत बिद्युत प्राधिकरण संग रकम अशुल्न पर्ने हुन सक्ने नगर प्रमुख शाहिले बताए । ‘हामिले पैसा किन तिर्ने ? हाम्रो बजार किन प्रयोग गरेको ? उनिहरुले रकम अशुल्ने हो भने हामिलाइ नगर प्रयोग गरेको पैसा चाहिन्छ’ शाहिले भने, ‘बजारमा हामि मात्रै हिँड्दैनौँ, वाहाँहरु पनि हिँड्नुहुन्छ , सुरक्षा सबैलाइ चाहिने होला, वाहाँहरुको पनि त सामाजिक उत्तरदायित्व होला नि ।’ शाहिले चुहावट भएको बिजुली हिसाव गरेर नगरपालिकाको वक्यौतामा देखाउने गरेको समेत आरोप लगाए । ‘के को हिसावले रकम दावि गरिएको हो ?’ उनले भने, ‘तिर्ने भन्ने त मसंग कुरानै नगरे हुन्छ ।’ तर नगरपालिका र बितरण केन्द्र बिच नगरपालिकाले मासिक ६५ हजार युनिट प्रयोग गर्ने र त्यसको शुल्क तिर्ने निर्णय भएको बितरण केन्द्रले जनाएको छ ।

नगरपालिकाले नेपाल बिद्युत प्राधिकरणको केन्द्रिय कार्यलयको पत्र अनुसार बक्यौता रकममा समर्थन पत्र लेख्न अनुरोध गर्दा समेत बेवास्था गरेको छ । ०७४ असार मसान्त सम्मको बक्यौता रकम मन्त्रिपरिषदको निर्णय अनुसार सम्बन्धित मन्त्रालयले नै प्राधिकरणलाइ तिर्ने सहमती भएको थियो । तर नगर पालिकाले तिर्नुपर्ने रकम प्रमाणित सम्म पनि गरेन । ७४ पछि स्थानिय तहले नै महशुल बुझाउने निर्णय समेत मन्त्रिपरिषदले गरेको थियो । घुमाइ फिराइ नगरपालिकामा आउने बजेटबाट रकम काटिने गलत बुझाइले समर्थन पत्र नदिएको पाल्पा बितरण केन्द्र प्रमुख शुसिल पौड्यालले बताए ।


नगरपालिका संग ताकेता गर्न नसक्नु र नगरपालिकाको ढिपीका कारण बक्यौता थपिदै गएको छ । बितरण केन्द्र र नगरपालिका संग कतिपय बेला मिलेर काम गर्नु पर्ने र नियम अनुसार अशुल्न खोज्दा जटिलता उत्पन्न हुने भएकोले कुनै एक्सन लिन नसकेको पौड्यालले बताए ।

सम्बन्धित खवर

प्रतिकृया

Your email address will not be published.