कैलालीमा हात्तीको आक्रमणबाट एक जनाको ज्यान गयो

२०७७ चैत २१ कैलालीको जानकी गाउँपालिका-६ मा हात्तीको आक्रमणबाट एक जनाको ज्यान गएको छ।

शुक्रवार जगतपुर सामुदायिक वनको रानी टप्पामा निउरो टिप्न गएका ६० वर्षीय मन्सराम डगौराको हात्तीको आक्रमणबाट ज्यान गएको इलाका प्रहरी कार्यालय टीकापुरले जानकारी दिएको छ।

प्रहरी निरीक्षक अरुण बमले तरकारीका लागि निउरो टिप्न गएका चौधरीको हात्तीको आक्रमणबाट ज्यान गएको जानकारी दिनुभयो।

चौधरीको शव परीक्षणका लागि टीकापुर अस्पतालमा राखिएको छ । पछिल्लो समय वन जङ्गलभित्र र आसपासका क्षेत्रमा जङ्गली जनावरले मानिसलाई आक्रमण गर्ने क्रम बढेको छ ।

लायकपुर सामुदायिक वन समितिका अध्यक्ष हरिहर गिरी वन जङ्गल विनाश हुँदा वन्यजन्तुको आहाराको अभावले जङ्गली जनावर जङ्गल बाहिर निस्कने, जङ्गलमै पनि आक्रमण गर्नेजस्ता घटना बढेको बताउनुहुन्छ।

जङ्गली जनावरका लागि आवश्यक आहाराका बारेमा पनि सोच्न आवश्यक भएको छु, उहाँ भन्नुहुन्छ,उनीहरुको वासस्थान सुरक्षामा पनि चुनौती बढेको छ । जसले मानिस नै जोखिममा पर्न थालेका छन् ।

सम्बन्धित खवर

प्रतिकृया

Your email address will not be published.