दैनिक ११ हजार काेराेना सङ्क्रमित थपिन सक्ने स्वास्थ्य मन्त्रालयकाे प्रक्षेपण

चैत ३१, २०७७ मंगलबार ,काठमाण्डाै – स्वास्थ्य तथा जनसङ्ख्या मन्त्रालयले आउँदो असारसम्म कोरोना सङ्क्रमितको सङ्ख्या उच्च हुने प्रक्षेपण गरेको छ। मङ्गलवार मन्त्रालयमा पत्रकारहरूसँगकाे कुराकानीमा स्वास्थ्य मन्त्री त्रिपाठीले अहिलेको दरमा कोरोना सङ्क्रमण बढ्दै गए आउँदो असारसम्म काेराेनाका सक्रिय सङ्क्रमितको सङ्ख्या ६ लाखसम्म पुग्न सक्ने बताउनुभयो ।

त्रिपाठीले अहिलेको सङ्क्रमण दरलाई हेरेर प्रक्षेपण गर्दा आउँदाे असारसम्म दैनिक ११ हजार सङ्क्रमित थपिन सक्ने हुँदा त्यसका लागि अहिले नै मन्त्रालयले आवश्यक तयारी गरिरहेको बताउनुभयो ।

मन्त्रालयले सबै अस्पताललाई तयारी अवस्थामा राख्न अहिले उपकरण र सुरक्षा सामग्रीको रेकर्ड सङ्कलन गर्ने काम भइरहेको मन्त्री त्रिपाठीले बताउनुभयो । भारतबाट आउने नाकाहरूमा होल्डिङ सेन्टर र क्वरेण्टीन स्थलहरू थप गर्न लागिएको उहाँको भनाइ छ ।

सम्बन्धित खवर

प्रतिकृया

Your email address will not be published.