सेन्ट्रल एसियन भलिबल एसाेसिएशन (काभा) पुरुष भलिबल नेसन्स लिगमा नेपाली टाेली लगातार दाेस्राे खेलमा पराजित भएकाे छ ।
आज साेमवार घरेलु टोली किर्गिस्तानसँगकाे खेलमा नेपाल ३–१ को सेटमा पराजित भयाे । पहिलाे सेट किर्गिस्तानले २६–२४ ले जित्दा दाेस्राे सेट नेपालले २५–२१ ले जित्दै खेलमा फर्किने सङ्केत गरेकाे थियाे । तर नेपालले तेस्राे सेट २५–१८ र चौथो सेट २५–१६ ले हार्याे ।
नेपाल पहिलाे खेलमा मङ्गाेलियासँग ३–१ ले पराजित भएकाे थियाे । लगातार दोस्रो हारसँगै नेपाल अङ्कविहीन छ । अब नेपालले भाेलि मङ्गलवार इरानसँग, बिहीवार तुर्केमिनिस्तानसँग, शुक्रबार किर्गिस्तानको अर्काे टोली र आइतवार उज्वेकिस्तानसँग खेल्नेछ ।
