गाउँपालिका अध्यक्षको घरमा प्रेसर कुकर बम फेला

रुपन्देहीको सियारी गाउँपालिका अध्यक्ष थानेश्वर घिमिरेको घरमा प्रेसर कुकर बम फेला परेको छ। प्रहरीका अनुसार शनिबार बिहान घिमिरेको घर पछाडि बम फेला परेको हो । घर पछाडि बम देखेपछि घिमिरेले प्रहरीलाई खबर गरेका थिए । सेनाले बम डिस्पोज गरिसकेको छ । बम कसले राख्यो भन्ने खुल्न सकेको छैन ।  बमसँगै मधेश पिपुल्स पार्टीको नाममा पर्चाहरु भेटिएका छन् । घिमिरे नेपाली कांग्रेस रुपन्देहीका उपसभापतिसमेत हुन् । थप अनुसन्धान अगाडि बढाइएको प्रहरीले जानकारी दिएको छ ।